Пашинян элди баш ийбөөчүлүккө чакырды

Армян оппозициясынын лидери Никол Пашинян кечээ өкмөт башчылыкка шайланбай калгандан кийин тарапташтарын жолдорду жаап, Ереван аэропортун бөгөттөөгө чакырды.

1-майда Армениянын парламенти премьер-министрликке оппозиция лидери Никол Пашиняндын шайланышына каршы добуш берген. Анын талапкерлигин 45 депутат колдоп, 55и каршы болду.

Пашинян ошол эле күнү кечинде Еревандын борбордук аянтындагы тарапташтарына келип, өлкө жарандарын 2-майдан тарта бийликке жапырт баш ийбөөчүлүк акциясын баштоого чакырды.

«Эртең саат 8:15тен баштап жапырт иш таштоо, жолдорду, метролорду, аба бекеттерди, мамлекеттер жана аймактар аралык жолдорду, дегеле тосууга мүмкүн болгон бардык жерди бөгөттөө башталышы керек», — деди ал.

Армениянын мыйзамдарына ылайык, эгер премьер-министр парламенттин биринчи атайын жыйынында шайланбаса, анда жети күндөн кийин кайрадан жаңы шайлоо болот. Премьер экинчи жолкусундагы да шайланбаган учурда парламент таркашы керек.

Борбор Азия жаңылыктар кызматы

There are no comments

Ваш e-mail не будет опубликован.

Окшош маалыматтар