Кабулдагы теракта бир нече америкалык өлгөн

АКШ Мамлекеттик департаменти 21-январда Кабулдагы Intercontinental мейманканасында жасалган террордук чабуул курмандыктарынын арасында Кошмо Штаттардын жарандары болгонун тастыктады.

Буга чейин кол салуу учурунда Германия, Грекия, Украина жана Казакстан жарандары болгону маалымдалган.

АКШ Мамлекеттик департаменти теракттан канча америкалык өлгөнүн айткан жок.

Бирок AP агенттиги Кабул мейманканасындагы кол салуу учурунда бир нече америкалык жаран мерт болгонун кабарлады.

Агенттик Кабулдун расмий өкүлдөрүнүн маалыматына таянуу менен террорчулардын чабуулунан 22 киши курман болгонун билдирди. Алардын 13ү чет өлкөлүк жарандар болгон.

Борбор Азия жаңылыктар кызматы

There are no comments

Ваш e-mail не будет опубликован.

Окшош маалыматтар