Абрамович чыныгы мекенинин жараны болуп калды

Орусиялык миллиардер, “Челси” футбол клубунун ээси Роман Абрамовичтин  британ визасы узартылбай калгандан кийин Израиль жарандыгын алды.

Абрамовичтин түпкү теги еврей болгондуктан, Израилдин “Кайтып келүү жөнүндөгү” мыйзамына ылайык жарандык алды. Бул мыйзам боюнча бардык еврей Израилге кайтып келе алат, бул укук алардын аялдарына, балдарына жана неберелерине да берилет.

Миллиардер дүйшөмбү, 28-майда жеке учак менен Бен-Гурион аэропортуна конуп, кайрылман күбөлүгүн жана Израиль ички паспортун алды.

Буга чейин Британия орусиялык байларга берилген жүздөгөн визалар текшерилип жатканын билдирген. Лондон мындай кадамга Орусиялык мурдагы чалгын офицери Сергей Скрипал менен анын кызы Юлиянын ууландырылганы үчүн барган.

Forbes Абрамовичтин байлыгын $11,5 миллиардга баалаган. Ал «Сибнефть» мунай компаниясынын мурдагы ээси, 2005-жылы аны “Газпромго” $13,1 милллиардга сатып жиберген. Анын болот өндүрүүчү “Евраз” жана “Норникель” компанияларда үлүшү бар. 2003-жылы британиялык “Челси” футбол клубун сатып алган. Бир ай мурун британ бийлиги андан байлыгынын мыйзамдуу экенин далилдөөнү талап кылган.

Борбор Азия жаңылыктар кызматы

There are no comments

Ваш e-mail не будет опубликован.

Окшош маалыматтар