Өзбекстан Тажикстанга газды базар баасынан эки эсе арзан сатат

2018-жылы Өзбекстан Тажикстанга 126 миллион куб жаратылыш газын жеткирет. Анын баасы 15,1 миллион долларды түзөт. Тиешелүү келишимге «Тажиктрансгаз» менен «Узтрансгаз» ишканалары кол коюшту.

Өзбекстан Тажикстанга жаратылыш газынын миң кубометрин 120 доллардан сатат. Бул дүйнөлүк биржадагы баага салыштырмалуу эки эсе арзан.

Өзбекстан Тажикстандын керектөөсүнө жараша жеткириле турган газдын көлөмүн көбөйтүүгө даяр.

«Тажиктрансгаз» менен «Узтрансгаз» газ жеткирүүнү калыбына келтирүү боюнча былтыр октябрда эле макулдашкан. Бирок 2017-жылдын соңуна чейин жылдык келишимге кол коюлган эмес.

Өзбекстан Тажикстанга газ жеткирүүнү 2012-жылы токтоткон. “Тажик алюминий компаниясы” жана Душанбе цемент заводу негизги керектөөчүлөр болгон. Бирок бул ишканалар кийинчерээк синтезделген газга өткөн.

Борбор Азия жаңылыктар кызматы

There are no comments

Ваш e-mail не будет опубликован.

Окшош маалыматтар